Troppsgymnastane våre har vore og sanka pokalar!

Stord Turn sin juniortropp reiste heim med heile fem pokalar i baggasjen etter kretskonkurransen i Haugesund i helga. Turnarane deltok i seks øvingar og sikra seg pallplass i fem av dei.

I juniorklassen hamna dei på første plass i øvinga tumbling og sikra seg andre plassen i øvinga trampett. I tevlinga for rekruttar fekk dei andre plass i tumbling og hamna øvst på pallen i frittståande.

Kretskonkurransen i Haugesund foregjekk over to dagar og samla turnarar frå Stord i nord til Ålgård i sør.

Konkurranseturnarane som var i aksjon i helga var Mia Sætrevik Endal (14), Erle Birkeland (14), Ive Myklebust Valvatne (13), Tora Ertresvåg Pedersen (13), Elena Magnussen (13), Othilie Horneland (12) og Sunniva Urdal (12). I tillegg består troppen av Eva Hasholt Horneland (12), Madel Kvalheim (12) og Oline Kvalheim (14).

Oppstart januar 2022 for aerobic på Vikahaugane og herre mosjonsparti på Hystad skule

Me kan endeleg starte opp att vaksengruppene våre :) 

Det må gjerast med visse reglar, då restriksjonane set nokre krav til treningane. Me har ikkje lov til å vera meir enn om lag 20 på trening, og me må vera flinke å halda avstand. 

Aerobic på Vikahaugane
Gruppa vert delt i to. Trening måndagar vert for dei under 50 år, og onsdagar for dei over 50 år. 

Dersom spørsmål til dette, ta kontakt med Aslaug. 

Herre på Hystad
Lars tek sikte på å dela gruppa i to, slik som ein gjorde tidlegare i 2021. Lars Mugaas informerer dykk :) 

Ha gode treningar! 

Gymfest i Vest for ungdom på Stord 19.-21.mai

Gymfest i vest er eit turnarrangement som Stord i årarrangererte, og festen strekte seg frå fredag til søndag i hallkomplekset på Vikahaugane.

200 utøvarar tevla i fire ulike greiner – trampett, tumbling, frittståande og open klasse.

Les meir om arrangemetet her:

http://www.sunnhordland.no/sport/turn-kan-anbefalast-1.1929474